أخر تحديثات كونكر أونلاين

بسم الله الرحمن الرحيم

أنفراااااااااد تام لمنتدي توب كايرو بعد العوده
في أول موضوع حصري بجد
و هو أخر تحديثات كونكر

طبعاً أنت هتسمع تحديثات كونكر هتقفل علي طول و هتقول منا هشوفها ف اللعبه اتعب نفسي ليه و أقرأ ده

أستني

أنا متاكد انك لو فتحت اللعبه و مكنتش قريت الموضوع ده هتستغرب جدا

لأن كونكر اتغيرت تغيير تااام و جزري
والتغيير ده هيفرح كتير اوي و هيزعل كتير اوي

بص انا من رأي ان التغيير ده هيفرح النسبه الاكبر من اللعبه

علي فكره انا واحد من الناس اللي هيتضروا من التغيير ده و ف نفس الوقت هيستفادوا

أقولك ليه

الناس الكبار اللي هما التقال ف اللعبه هيتضايقوا جدا من التغيير ده و ديه حاجه ف حد ذاتها عدل

أستني متتعصبش بس

انا برضو مش صغير اوي ف اللعبه انا معايا ايميلات كبار و المفروض اتضايق
بس لو فكرت فيها هتلاقي ان اللعبه علي مدار 9 سنين بتعمل اللي في صالح الناس الكبار بس
و كل تحديثاتها او معظمها بتفيد الكبار او النسبه الاكبر بتفيد الكبار اللي هما من فوق ال 110 او 120

دلوقتي بقي التحديث ده هيفيد النوبات او الصغيرين ف اللعبه كتير اوي
و هيضر جبارين السيرفرات بنسبه كبيره

عايز أقولك حاجه

أنا مش مع الصغيرين او ضد الكبار انا واحد من الاتنين

أكونتاتي او ايميلاتي

Trojan >> Archer lvl 130
Water >> Ninja lvl 125
Monk lvl 115
trojan 110
Fire 128
Pirate 98

انا بلعب اللعبه من زمان بس سبتها حوالي 3 سنين فتره الثانويه و رجعت العبها تاني
عشان محدش يقولي الايميلات ديه كتير انا بلعب انا و شريك تاني معايا ابن خالتي

و بكسب من اللعبه ديه و كل الكبار بيكسبوا دلوقتي اللعبه بقي عملت شويه تغييرات هتغير مسار اللعبه خالص

معلش عارف طولت عليكم

حاجه اخيره اللعبه في ناس كتير هتكرها و تسبها و في ناس هتحبها بس كل ده مرهون بصوتك انت و هو
اللعبه عامله زي استفتاء كل واحد هيقول رايه فيه و انت شوف ايه اللي هتوافق عليه وايه اللي مش عاجبك و قيم
و علي حسب نتيجه الاستفتاء هتبقي كونكر في شكلها الجديد

نيجي بقي للتحديثات Very Happy

1- Battle Power
طبعا كلنا عرفينه و عارفين هو ايه و ازاي هو بيفيد الناس الكبار كتير اوي واللي بيدفعوا فلوس فيه عشان ياخدوا كينج او برنس او دوك
المفاجأه ده هيتلغي Razz

و هيكون من المستحيل ان حد يفتح عليك ال pk و يقتلك 1 Hit

2- Meteor & DragonBall

أيوه متستغربش هتتلغي

Crying or Very sad

و هتعلي الايتم بايتم تاني اعلي منه و هتشتريه من السيستم او يكون معاك او تلاقيه اي حاجه
يعني مثلا معاك لبس 100 عايز تعليه 110 تجيب لبس 110 تعليه بيه ده علي حسب ما ترجمت الموقع و فهمت منه ارجو لو في خطأ حد يصححلي

طبعا الناس اللي ناويه تكسب من الدراجونات او اللي معاها دراجونات فعلا ناو هتفتح مش هتلاقيها Shocked

و ديه طبعا حاجه هتضايق ناس كتير و هتفرح ناس كتير اللي هما كانو بيحسدوا الكبار lol!

3- أرخم تحديث شفتو بغض النظر عن اي حاجه بقي
Levels or Experience

اللفلفه هتبقي بحد معين هو انا لحد دلوقتي مش عارف هيبقي قد ايه الحد ده لان انا بكتبلكو الموضوع واللعبه لسه بتعمل تحديثتها و لسه مخلصتش

بس تقريبا اللي لفل 15 هيبقي الحد بتاعو اكبر من اللي لفل 70
يعني الاقل في اللفل هيبقي ليه عدد ليفلات اكتر ياخدها ف اليوم الواحد

مثال : انا قرصان لفل 98 الحد بتاعي 5 ليفلات ف اليوم ماخدش اكتر منهم
واحد تاني قرصاان برضو لفل 60 الحد بتاعو 10 ليفلات ف اليوم

ده مش الحد الفعلي ده مجرد مثال للتوضيح

والشركه شايفه انها بكده هتقدر تحافظ علي فرق الليفلات بين اللاعبين يعني متلاقيش واحد ينزل ريبورن و يجيب ال 120 في يوم و واحد تاني طالع عينه عشان ياخد لفل واحد

4- The Rebirth system

نقاط الريبورن
ديه كمان هتتلغي يعني مثلا بنلاقي واحد ووتر ووتر لفل 100 بيضرب واحد ووتر لفل 100 بأرقام عاليه مثلا 1000 من دمه
و نلاقي الووتر اللي لفل 100 بيضرب الووتر ووتر لفل 100 برضو ب 500

الفرق ده بقي هبتلغي

انا ووتر ووتر و انت ووتر بس انا هضربك ب 500 و انت هتضربني ب 500
مفيش فرق بيني و بينك الا ف الاسطف والليفل
يعني لو انا لابس كله سوبر و انت لابس كله اليت وانا مش ريبورن و انت ريبورن انا اضربك بأكتر ما انت تضربني مع انك انت ريبورن
تاني حاجه لو انا مش ريبورن و انت ريبورن وانا ليفل 115 و انت 110 انا اضربك باكتر برضو

ديه هتفيدنا في ايه بقي

ف موضوع السكندات تلاقي ساكند ليفل 60 ارشر بيضربك السهم وانت تروجان و اسطفتكو تقريبا زي بعض ب 1000 و انت اعلي منو كمان
وانت تيجي تضربو تلاقي نفسك بتطلع منو ب 100 و 200

يعني فيها فايده للناس اللي مش ريبورن جامده جدا

5- Remove the Refineries, Dragon Souls, Talismans, Enchanting

حكايه الريفايني اللي كنا بنحظها ف الاسطف عشان تتطلع بأتاك اعلي و تضرب الوحوش و الايميلات التانيه بارقام اعلي ساعات
هتتلغي

و كمان حكايه الدراجون سول هتتلغي مش هيبقي في دراجون سول What a Face

السر بقي هقولكوا عليه انت هتركز علي السوكت اللي ف الاسطف بتاعتك و البلس يعني زي الاول هما دول اساس الاسطف الجامد

6- Each player will receive a certain amount of CPs on a daily basis

Hot Hot Hot Hot

التحديث ده جاااااااااامد cheers

كل واحد هياخد كل يوم عدد معين من ال cps
بس ال Cps ده
هيبقي فري يعني مينفعش يتباع ليك انت بس تظبط بيه نفسك
و ده بيعوض حكايه الدراجون بول بالنسبه للتعديل ف الاسطف و لكن مش بيعوضها ف حكايه الناس اللي كانت بتبيعها بره اللعبه

7- There will be an official platform created for all players to conduct trades for wanted characters/accounts

اللي انا فهمته من التحديث ده ان هيبقي فيه زي مكان هنعمل فيه التراد او التجاره لو حد عنده راي تاني لمفهوم التحديث ده يقولو لو سمحتم

كده تقريبا انا قولتلكو كل التحديثات المهمه مش فاضل غير 1 بس اللي هو الاسكيلات و التحديثات اللي هيعملوها ف الشخصيات
لسه مش عارفين ايه هي بقي

كده اللعبه تعتبر غيرت حاجات فيها كانت جذور في اللعبه

وفي ناس هتسيبها كتير و في ناس هتبيع ايميلاتها و في ناس هتحبها و تستمتع بيها بس بجد كل واحد يقولي رايه و نشوف احنا متفقين ولا لا

أن ده اول تحديث بجد يكون في صالح النوبات اكتر من الكبار و ديه حاجه مش وحشه انا عن نفسي هلعبها برضو و هكون مستمتع بالحاجات الجديده ديه بس اللي مش عايزو فعلا حكايه الليفلات المحدوده ديه
يارب ديه اللي تتلغي

كده أكون خلصت الشرح بتاعي لاخر التحديثات حصري لمنتدي توب كايرو

تحياتي لكم