مكملين...للمش فاهمين نزولنا..للمعشوش ظلمنا ولاقهرنا ولا حاسوش نزولنا ...للمداقوش مر جوعنا ...اللي مانموش في الشوارع كالدبايح...كملوا باليل عاشاهم من الصفايح...للمش فاهمين مهانة الرجال ..جهر الرجال..للبيقولوا علينا اننا حبة عيال.....فاحنا مش حبة عيال...احنا شوفنا النيل بينشف في البيوت..ولما يجري يتفرش حمام سباحه في قصر باشا...مستكترين فيا الغضب منا كنت غرقان في الباشاشه...كنت راضي ببق ميه وقول دي هانت ...كنت ببكي في القصائد...كنت بشتم في القصائد تتقطع ايدي لما قولت حبيبتي ماتت,,,,,للمش فاهمين نزولنا في الشوارع احنا بندور علي الحلم اللي ضايع,,,,احنا جرينا النفس في عروق عيالنا يكبروا يفهموا حاجا مفهمنهاش....اقبل اني اعيش علشان حلم وقضيه ...بس ماقبلش اني عمري يضيع بلاش...ماحنا سيبنالكوا البلد منصفتوهاش..متلموش علي اتعجن في المعجنه واللي اتظلم..واذا كنتوا فكرنا غنم علي رزقم انا جدي فاق,,,فاكر زمان لما حذرتكم مستني ايه من طفل ربوه بالزعاج غير المشاكل والخناج ...للمش فاهمين نزولنا في الشوارع الحكومه نزلتنا في الشوارع ....عودتنا علي الشوارع....الحكومه بيتتنا في الشوارع...سكرت علي نفسها كل البيبان....خوفتنا من البيبان...فاترمينا كلنا في حضن الشوارع.....اكتر مكان لقيناه امان...اللي خايفين علي البلد لحسن تموت ماتخفوش ده الموت سكوت.....واحنا مش في الخطه اصلا انا بكره يكون سكوت....احنا شايلين حملنا ومكملين....بكره بيشاور علينا واحنا مش مستعجلين.....ماحنا لينا كام سنه متقندلين ....صابحين في طين ....نايمين في طين...احنا بناسس بلد تسمع شكاوي المظلمين... نشتغل نلقي عرقنا قصاد عينينا مش في جيب النصابين....نشتكي نلقي ودان....نلقي اللي يسمع شكوت الناس الغلابه الطيبين....احنا بنشكل بلد لاخايفه من صوت الاذان...ولا خايفه ان الكنايس تتبني .....احنا بناسس وطن عفيان غني....مش وطن يخدم 15نفر ويبات جعان....احنا مش عايزين وطن مهزوز مهان.....المصري مش لايقه عليه كلمة مهان.......ويقولك احنا عملنا فوضي....طب احنا برضوا عملنا فوضي ده احنا كنا بنتجلد ونعيش ونرضي...واحنا كنا بنتسرق ونعيش ونرضي...وكانت الاسعار بتغلي وكنت برضي...والشرطه بتفتشني عادي في اي وقت بدون مناسبه وكنت برضي....والانتخاب من سن كام لسن كام....معرفش ليه وكنت برضي ...جاي انهارده تقولي احنا عملنا فوضي طب فوضي فوضي......ماسورة الغاز بتقفلها لصعيد بلدك وتل ابيب بتفتحها.....وناس شقيانه طول اليوه علشان لقمه ....وغالي ياخدها علي الجاهز(الهي يارب يطفحها)وناس تسكن قصور بتدور وناس الجوع بيدبحها....وناس بتموت في الميادين فدي الثوره وناس خايفه علي مشاعره لنجرحها.... احنا هنكمل ونذق البيبان ...يارب انت المستعان.....واللي بيقولوا علينا مغيبين,,,,ومسطحين,,,,,,ومعفنين ,,,,,,,ومنتنين,,,,,,وبوابين ,,,,وماجورين,,,,,قولوا براحتكم...احنا برضوا مؤدبين....ومسالمين .....بس احنا برضه ...........مكملين................... .
